Bağın mərkəzi alleyasının sağ və sol tərəfində təbii bitkilərin ekspozisiyaları yerləşmişdir. Dendrologiya İnstitunun 12 ha sahəsində səkkiz botaniki-coğrafi ekspozisiya yaradılmışdır.
Şərqi Asiya florası, Orta Asiya florası, Şimali Amerika florası, Cənubi Amerika florası, Aralıq dınizi ölkələrinin florası, Avstraliya və yeni Zellendiya florası, Qafqaz florası,Afrika florası.
Ekspozisiyalarda subtropik, tropik, və mənşəli, müxtəlif tipli meşə, çəmən, çöl, səhra bitki nümunələri nümayiş etdirilir. Burada introduksiya olunan 1800 növdən təxminən 69-u nadir və nəsli kəsilməkdə olan bitki növüdür. Su hovuzlarının ətrafında 25 cins və 230 növ rütubətsevən bitki qruplaşmışdır. Təbii floranın bitki ekspozisiyaları zəngin növ müxtəlifliyinə malikdir. Aralıq dəniz yanı ölkələrindən 255, Avstraliya və Yeni Zellandiya florasından 105, Qfqaz florasından 420, Şərqi Asiya florasından 170, Şimali və Cənubi Amertikadan 180, Orta Asiya florasından isə 109 növdən çox ağac və kol bitkiləri becərilir.
Gül- bəzək bitkilərinin ekspozisiyaları
Dendrologiya İnstituna dünya florasından gətirilmiş qızılgül 22 növ,300 sort, nərgiz 9 növ, 35 sort, süsən 6 növ və 12 sort və s. müxtəlif gül- bəzək kolleksiyaları da toplanmışdır. Geniş yayılmayan çoxillik bitkilərin 75 növ və 162 sort, kaktus 28 növ və 56 sort eləcə də digər bitki kolleksiyaları növmüxtəlifliyi ilə xarakterizə olunur. Kolleksiya fondunun fərqləndirici xüsusiyyətləri buradakı subtropik zonanın təbii florasından olan müxtəlif bəzək növləridir. Təkcə lalərdən ibarət zəngin kolleksiyada təxminən 15 növ və 26 sort vardır. Gül- bəzək bitkilərinin kolleksiyası ərazinin açıq sahəsində əsas giriş sahəsində yerləşir. Bu kolleksiyalar introduksiya tədqiqatları üçün bazadır. Onlar landşaft memarlığı əsasında yaradılmış uzunmüddətli əkinlərin bəzək etalonlarıdır.
Mədəni bitki ekspozisiyaları
Mədəni bitkilər 12 ekspozisiyada nümayiş etdirilir. Burada təxminən 600 növ 760 sort vardır. Ekspozisiyalarda kəndtəsərrüfatı bitkilərinin təkamülü, mənşəyi və introduksiya nəticələri təsvir olunur. Onların üzərində bitkilərin yabanı əjdadlarından və ilk az məhsullu formalarından müasir yüksək məhsuldar sortlarına qədər dəyişmələrini izləmək olar. Burada torpağın mulçalanması, meyvə bitkilərinin budanması və formalaşma üsulları ilə tanış olmaq olar. Bağda ən iri nar kolleksiyası 18 növ və 400 sort, meyvə ağaclarının kolleksiyası 128 növ , giləmeyvələr 60 növ, 130 sort saxlanılır. Efiryağlı bitkilərin kolleksiyası 420 növdən ibarərtdir. Dərman bitkilərinin kolleksiyasında 370 növ vardır. Meyvə bitkiləri və yabanı növlərinin kolleksiyası 62 növ və sort formadan ibarətdir.