AMEA-nın prezidenti, akademik Ramiz Mehdiyev Rusiya Elmlər Akademiyasının vitse-prezidenti ilə görüşüb

Akademiyanın Rəyasət Heyətində AMEA-nın prezidenti, akademik Ramiz Mehdiyev Rusiya Elmlər Akademiyasının (REA) vitse-prezidenti, akademik Taliya Xabriyeva ilə görüşüb.

Qonağı salamlayan akademik Ramiz Mehdiyev hər iki ölkə arasında möhkəm dostluq və əməkdaşlıq əlaqələrinin mövcud olduğunu və bu əlaqələrin prezidentlər – Vladimir Putinlə İlham Əliyevin arasında mövcud olan yüksək etimad və şəxsi dostluğa əsaslandığını bildirib. Qeyd edib ki, iki ölkənin elmi strukturları arasında da 2005 və 2019-cu illərdə imzalanan əməkdaşlıq haqqında sazişlərə əsaslanan geniş tərəfdaşlıq münasibətləri yaranıb və uğurla inkişaf edir. Cari ilin may ayında iki qurum arasında imzalanan elmi-texniki əməkdaşlıq haqqında sazişin əhəmiyyətindən danışan akademik R.Mehdiyev bildirib ki, sözügedən sənəddə elm və texnologiyaların prioritet istiqamətləri üzrə birgə elmi layihələrin işlənməsi, həyata keçirilməsi, təcrübə və informasiya mübadiləsi, yüksəkixtisaslı kadrların hazırlanması, elmi tədqiqatların koordinasiyası, birgə elmi tədbirlərin keçirilməsi kimi məsələlər əksini tapıb və hazırda bu işlər uğurla yerinə yetirilir. Növbəti səhifə »

Akademik Ramiz Mehdiyev AMEA-nın prezidenti seçilib

Bu gün Rəyasət Heyətində AMEA-nın Ümumi yığıncağı keçirilib. Yığıncaqda Prezident Administrasiyasının Humanitar siyasət məsələləri şöbəsinin müdiri, professor Fərəh Əliyeva, AMEA-nın həqiqi və müxbir üzvləri, o cümlədən akademiyanın elmi müəssisə və təşkilatlarının direktorları iştirak ediblər.

Tədbiri giriş sözü ilə akademik Akif Əlizadə açaraq AMEA-nın prezidenti kimi fəaliyyətdə olduğu 6 il ərzində bu elm ocağında həyata keçirilən tədbirlərə, əldə olunan nailiyyətlərə və prioritet istiqamətlərdə aparılan tədqiqatlara dair hesabat xarakterli çıxış edib. Alim bildirib ki, son illərdə AMEA-da elmi-texniki potensialın inkişaf etdirilməsi, multidissiplinar tədqiqatların aparılması, beynəlxalq elmi əlaqələrin genişləndirilməsi, yüksəkixtisaslı kadrların hazırlanması, elmi nailiyyətlərin ölkənin sosial-iqtisadi problemlərinin həllinə yönəldilməsi və digər istiqamətlərdə mühüm işlər görülüb. Növbəti səhifə »

R.Ə.Mehdiyevin “Heydər Əliyev” ordeni ilə təltif edilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

Azərbaycan Respublikasında dövlət idarəçiliyi və elmin inkişafı sahəsində səmərəli və uzunmüddətli xüsusi xidmətlərinə görə Ramiz Ənvər oğlu Mehdiyev “Heydər Əliyev” ordeni ilə təltif edilsin.

 

 

Azərbaycan Respublikası Prezidentinin Sərəncamı

A.A.Əlizadənin 1-ci dərəcəli “Əmək” ordeni ilə təltif edilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

Azərbaycan Respublikasında elmin inkişafı sahəsində uzunmüddətli səmərəli fəaliyyətinə görə Akif Ağa Mehdi oğlu Əlizadə 1 ci dərəcəli “Əmək” ordeni ilə təltif edilsin.

İlham Əliyev

Azərbaycan Respublikasının Prezidenti

Bakı şəhəri, 23 oktyabr 2019-cu il.

 

Biologiya və Tibb Elmləri Bölməsinin büro iclası keçirilib Oktyabrın 21-də AMEA-nın Biologiya və Tibb Elmləri Bölməsinin (BTEB) növbəti büro iclası keçirilib.

Tədbirdə AMEA-nın vitse-prezidenti, akademik İradə Hüseynova, bölmənin akademik-katibi, akademik Əhliman Əmiraslanov, AMEA Yüksək Texnologiyalar Parkının (YT Park) direktoru, yer elmləri üzrə fəlsəfə doktoru, dosent Samir Məmmədov, büro üzvləri və bölmənin tərkibinə daxil olan elmi müəssisələrin rəhbərləri iştirak ediblər.

Növbəti səhifə »

İranlı alimlərə Biologiya və Tibb Elmləri Bölməsinin nailiyyətləri barədə məlumat verilib

AMEA-nın Biologiya və Tibb Elmləri Bölməsinin (BTEB) akademik-katibi, akademik Əhliman Əmiraslanov İranın Təbriz Azad İslam Universitetinin rektoru, professor Əziz Cavanpour və həmin müəssisənin Azərbaycanda tibb təhsili üzrə nümayəndəsi Dr. Əmini Təbrizini qəbul edib.

Görüşdə çıxış edən Ə.Əmiraslanov BTEB-in AMEA-nın strukturundakı rolu, əsas tədqiqat istiqamətləri, xüsusilə Azərbaycanda tibbi-genetika və onkologiya sahəsindəki nailiyyətləri barədə məlumat verib. O, İran İslam Respublikasının elm və təhsil müəssisələri ilə əlaqələrin yüksələn xətlə inkişafından məmnunluğunu bildirib, bu münasibətlərin daha da genişlənməsində maraqlı olduğunu söyləyib. Növbəti səhifə »

Fədakar alim, qayğıkeş müəllim, əsl ziyalı

Dünyada elə şəxsiyyətlər var ki, onlar öz yaradıcılıqları ilə təkcə bir nəslin deyil, bir neçə nəslin formalaşmasında mühüm rol oynayır. Bu insanlar bütün həyatını müəyyən bir amal üzərində qurur, daim axtarışda olur, öz fəaliyyətləri ilə xalqın yoluna işıq salırlar. Azərbaycan ədəbiyyatı tarixinin görkəmli nümayəndələrindən olan, AMEA-nın vitse-prezidenti, Nizami Gəncəvi adına Ədəbiyyat İnstitutunun direktoru, Əməkdar elm xadimi, “Şöhrət” və “Şərəf” ordenli, Milli Məclisin Elm və təhsil komitəsinin sədri, akademik İsa Həbibbəyli də belə şəxsiyyətlərdəndir. Oktyabrın 16-da böyük alim ömrünün 70-ci ilinə qədəm qoyur.AMEA Rəyasət Heyəti aparatının Mətbuat və informasiya idarəsinin Elektron informasiya şöbəsinin rəis müavini, gənc tədqiqatçı Nərgiz Qəhrəmanovanın “Fədakar alim, qayğıkeş müəllim, əsl ziyalı” məqaləsində akademik İsa Həbibbəylinin zəngin elmi fəaliyyətindən, Azərbaycan elmi-ədəbi və ictimai fikrinin inkişafında müstəsna xidmətlərindən bəhs olunur. AZƏRTAC məqaləni təqdim edir. Növbəti səhifə »


Görkəmli rus şairi Sergey Yeseninin anadan olmasının 124-cü ildönümü qeyd edilib

Oktyabrın 3-də AMEA-nın Dendrologiya İnstitutunda görkəmli rus şairi Sergey Yeseninin anadan olmasının 124-cü ildönümünə həsr edilən ədəbi-musiqili tədbir keçirilib.

Milli Azərbaycan Ədəbiyyatı Muzeyinin təşkilatçılığı ilə baş tutan tədbirdə Dendrologiya İnstitutunun direktoru, AMEA-nın müxbir üzvü Tofiq Məmmədov, Rusiyanın ölkəmizdəki səfirliyinin nümayəndələri, “Sergey Yesenin” adına Azərbaycan-Rus Ədəbi Əlaqələri Mərkəzinin əməkdaşları və orta məktəb şagirdləri iştirak ediblər.

Növbəti səhifə »
BN